唔係最TOP嘅學生一樣可以讀醫！好多狀元走去讀醫，所以香港人以為要最TOP嘅學生先可以做醫生，但其實要讀醫科嘅方法唔止得一種。雖然醫科MEDIC入學要求比其它都要高，但就算成績普通，只要搵倒合適嘅途徑，適當嘅準備，都可以做倒醫生。相反，就算你成績超好，但醫科面試或personal statement寫得唔好，都未必有大學offer！要做醫生除咗係港大讀medic外，外國大學相對競爭無咁大，不失為學生或家長的另一選擇。最近香港政府為咗解決香港醫生人手短缺問題，推出外國醫學院認證名單，令學生有更多選擇。醫生貴為專業人才，就算將來唔打算留喺外國，都可以輕鬆回流香港！

入讀醫學MEDICINE方法大致上分為3種：
1) 以DSE成績直入大學
2) 以基礎課程FOUNDATION入讀
3) 入讀其他SCIENCE學科

👉以DSE成績直入本地大學或海外大學

醫科Medic基本收生要求：DSE成績Best 3有5*55或Best 5 25分或以上

🔥本地大學醫科 → 經JUPUS
🔥英國醫科 → 準備應考UCAT/BMAT，ielts，面試，personal statement，英國大學聯招UCAS申請
🔥澳洲醫科 → 準備應考UCAT ANZ/ISAT，ielts，面試，personal statement，澳洲入學申請

👉入讀其他SCIENCE學科

除咗直入醫科，成績未能達標或者面試等種種原因無合適醫科offer的同學，可以選擇入讀相關science學科，再以學分轉換方式入讀醫科。熱門選擇為Biomedical Science，收生要求無醫科咁高，同醫科學習範疇亦非常接近。入學後如果成績達標，同學有機會中途以學分轉換方式轉讀醫科。畢業後亦可升讀醫科博士課程，成為醫生

👉經基礎課程FOUNDATION入讀

DSE成績一時失手未能直入醫科，可以選擇預先報讀醫科基礎課程Foundation，就算DSE放榜後發現成績未如理想，都可以於放榜後入讀英國/澳洲Foundation，再銜接醫科課程。大部份醫科Foundation課程都保證學生有醫科面試機會

👉要讀醫科幾時要開始準備？

如果你係DSE考生，打算放榜後去外國讀醫：

英國開課日期：大約係每年9月
澳洲開課日期：大約係每年2月

英國醫科大學聯招UCAS每年大約9月或10月就會截止，比其他學科都要早。2023年英國大學聯招UCAS醫科截止申請日期為2022年10月15日，今年嘅UCAT/BMAT考試報名亦即將截止，所以要準備前面提及醫科入學試、IELTS、醫科面試等，依家就要開始啦！

雖然話唔係最Top成績都可以，但要求都絕對唔係簡單，要及早準備！黎緊我哋會有免費醫護升學講座，俾大家了解成為醫生嘅途徑，醫科入學要求，醫科面試，醫科入學試等等嘅準備功夫。仲有請黎現職醫生分享做醫生必需要知的事，準醫科生以過來人身份分享準備嘅心路歷程，俾有志讀醫嘅你可以了解多d！👇

第6屆【醫護升學導航】醫科入學備戰升學講座 踏上醫護專業青雲路